Խելացի տուն տեխնոլոգիաներն այսօր ինտերիեր դիզայնի կարևոր բաղկացուցիչ մաս են կազմում՝ լինի դա բնակարան, թե խելացի գրասենյակ։ Ծառայություններ մատուցող ընկերությունները հնարավորություն են տալիս ստեղծել տարածքներ, որոնք միաժամանակ գեղեցիկ են, ֆունկցիոնալ, հարմարավետ և տեխնոլոգիապես գերզարգացած։ Սակայն ԽԵԼԱՑԻ ՏԱՆ ՍԱՐՔԵՐՆ ՈՒ ԼՈՒԾՈՒՄՆԵՐԸ ներդնելը պահանջում է հստակ պլանավորում, մասնագիտական հաղորդակցություն և դիզայներական ճիշտ լուծումներ։

Ստորև ներկայացնում ենք հստակ և կիրառելի քայլեր, որոնք կօգնեն ինտերիեր դիզայներին ճիշտ ու արդյունավետ ձևով իր նախագծերում ներառել խելացի տուն համակարգերը։

Քայլ 1. Հաճախորդի իրազեկում և համակարգի հնարավորությունների ներկայացում

Նախքան նախագծային աշխատանքների մեկնարկը, դիզայների կարևոր դերերից մեկն է՝ հաճախորդին ներկայացնել, թե ինչ է խելացի տուն համակարգը, ինչպես է այն ինտեգրվում ինտերիերի մեջ, և ինչ իրական հնարավորություններ է տալիս՝

• Օրվա ռեժիմին հարմարեցվող միջավայր,
• Էներգիայի խնայողություն,
• Հարմարավետություն և անվտանգության բարձր մակարդակ,
• Տարածքի բազմաֆունկցիոնալ օգտագործում։

Անհրաժեշտ է  հստակ ներկայացնել միասնական կառավարման գաղափարը՝ թե ինչպես են սարքերը աշխատում և ինչ խնդիրներ են լուծում՝ որպեսզի հաճախորդը պատկերացում կազմի համակարգի իրական հնարավորությունների մասին։ Եթե դիզայները համագործակցում է հուսալի և փորձառու խելացի տուն համակարգերով զբաղվող կազմակերպության հետ, ապա այդ թիմը  ներգրավվում է նաև հաճախորդին համակարգին ծանոթացնելու գործընթացին՝ ներկայացնելով համակարգի տեխնիկական հնարավորությունները, հաջողված պրոյեկտները և օգտագործման սցենարները։

Դիզայները պետք է նախաձեռնող լինի հաճախորդի գիտակցված ընտրության ձևավորման հարցում։ Այս մոտեցումը ոչ միայն բարձրացնում է նախագծի որակը, այլ նաև ամրապնդում է դիզայների մասնագիտական որակները։

Քայլ 2. Տարածքի ֆունկցիոնալ վերլուծություն և պահանջների ձևակերպում

Նախագծման սկզբում կարևոր է հստակեցնել, թե տարածքի որ հատվածներում է անհրաժեշտ խելացի լուծումների կիրառումը։ Այստեղ դիտարկվում են հիմնական ուղղությունները․

• Լուսավորություն․ Լուսավորության հեռահար կառավարում, լույսի ջերմաստիճանի ու պայծառության կառավարում, լուսավորության կառավարում ըստ շարժումների առկայության և լուսային սցենարների ստեղծում։
• Կառավարվող Վարագույրներ․ Վարագույրների կառավարման սցենարների ստեղծում՝ առավոտյան բացվելու և երեկոյան փակվելու համար։
• Կլիմայի Կառավարում․ HVAC (Ջեռուցում / Հովացում/ Օդափոխություն) համակարգի ավտոմատացում, խելացի թերմոստատ-ի միջոցով ջերմաստիճանի կառավարման սցենարներ-ի սահմանում։
• Անվտանգություն․ Խելացի փականներ, տեսախցիկներ և շարժման սենսորներ, ինչպես նաև ջրի արտահոսքի կանխման սարք և գազի արտահոսքի կանխման սարք։
• Կառավարում և Մուլտիմեդիա․ Հեռուստացույցի կառավարում և ձայնային համակարգի ինտեգրում։

Անհրաժեշտ է պարզել, թե ինչ նպատակով է կիրառվելու համակարգը՝ հարմարավետություն, էներգաարդյունավետություն, վերահսկողություն, թե բոլորը միասին։