Բնակարան Գյումրիում, 120քմ

Քանի որ Կարենը երկար տարիներ ապրել էր ավանդական միջավայրում, մենք որոշեցինք ստեղծել ամենահեշտ ու արդյունավետ կառավարման համակարգը, որը հնարավորություն կտար առանց ավելորդ տեխնիկական բարդությունների վայելել բոլոր խելացի լուծումները և առավելագույնս հաճույք ստանալ։Մեր մասնագետնռրը համալրեցին բնակարանը խելացի սցենարներով՝ համապատասխանեցնելով տանտիրոջ նախասիրություններին։

 Լուսավորության անհատականացված լուծումներ

Տանը տեղադրվեց խելացի լուսավորություն, որը փոխում է իր ռեժիմները՝ կախված օրվա ժամից, տրամադրությունից և տանտիրոջ ձայնային հրամաններից։ Երբ տանտերը ցանկանում է ընթերցանությամբ զբաղվել՝ պարզապես ասում է «Ալիսա, միացրու ընթերցանության ռեժիմը», իսկ եթե ցանկանում է ֆիլմ դիտել՝ «Ալիսա,միացրու կինոդիտման ռեժիմ»։

 Վարագույրների խելացի կառավարում

Այս բնակարանում առավոտները ավելի յուրահատուկ են սկսվում։ Ամեն օր, երբ արևի ճառագայթները սկսում են լուսավորել Գյումրու կարմիր տանիքները, վարագույրները բացվում են ավտոմատ՝ թույլ տալով տանտիրոջը արթնանալ արևի բնական լույսից։ 

 Օդի որակի ու ջերմաստիճանի խելացի վերահսկողություն

Գյումրու ցուրտ ձմեռները և զով ամառները այլևս խնդիր չեն լինի այս խելացի  տան համար։Բնակարանի ջերմաստիճանը ստաբիլ  վերահսկվում է խելացի սենսորների միջոցով, որոնք վերլուծում են արտաքին պայմանները և ապահովում օպտիմալ ջերմություն։ 

Անվտանգության համակարգ

Տարիներ շարունակ ստեղծելով քո սեփական տունը,  ամենամեծ առաջնահերթությունը այն պաշտպանելն է։Բնակարանը համալրվեց  բարձրակարգ անվտանգության համակարգ, որը ապահովում է 24/7 վերահսկողություն և պաշտպանություն ։ Եթե տանտիրոջ բացակայության ժամանակ բնակարանում շարժ է նկատվում կամ որևէ մեկը մոտենում է բնակարանին ու փորձում ներխուժել, համակարգը ավտոմատ կերպով ուղարկում է ահազանգ տանտիրոջ հեռախոսին։

 Հեռակառավարվող տեխնոլոգիաներ՝ բջջային հավելվածով

Անկախ տանտիրոջ գտնվելու վայրից,նա կարող է բջջային հավելվածով կառավարել իր  բնակարանը։ Միացնել/անջատել լույսերը, վերահսկել ջերմաստիճանը, ստուգել անվտանգության սենսորները – բոլորը մեկ հպումով։