Ի՞նչ է DIY տեղադրումը

DIY (Do It Yourself) տարբերակը իրենից ներկայացնում է սարքավորումների տեղադրում առանց մասնագետների օգնության, Դուք ինքներդ եք գնում սարքավորումները, տեղադրում և ծրագրավորում։ Այս տարբերակը հարմար է նրանց համար, ովքեր ունեն սահմանափակ բյուջե և որոշակի փորձ տեխնիկայի հետ աշխատելու։DIY տարբերակը հնարավորություն է տալիս ստանալ խելացի տան առանձին հատվածներ ,սակայն ոչ ամբողջական ավտոմատացում։Ամբողջական խելացի տուն կարելի է ստանալ միայն պրոֆեսիոնալ տարբերակով։

DIY տարբերակի առավելությունները՝

• Խնայողություն

 Դուք վճարում եք միայն սարքավորումների գումարը՝ խուսափելով տեղադրման աշխատանքի ծախսերից։

• Ինքնազարգացման հնարավորություն

Տեղադրման ընթացքում ձեռք կբերեք նոր հմտություններ, կծանոթանաք խելացի կառավարման համակարգերի սկզբունքներին, ինչը հետագայում հնարավոր է Ձեզ օգտակար լինի։

• Ժամանակի ինքնուրույն տնօրինում

Կարող եք ընտրել, թե երբ տեղադրել և ինչպես կազմակերպել ողջ գործընթացը՝ ըստ Ձեր գրաֆիկի,սակայն ինքնուրույն տեղադրման պարագայում,շատ հաճախ, ավելի երկար է տևում,քանի որ Ձեզ համար անծանոթ են տեղադրման և ծրագրավորման նրբությունները, և Դուք պետք է զրոյից սովորեք։

DIY տարբերակի թերությունները՝

• Տեխնիկական բարդություններ

Որոշ սարքեր և համակարգեր պահանջում են խորացված տեխնիկական գիտելիքներ,որոնց թերի իրականացման դեպքում չեք կարող խուսափել ծրագրային խափանումներից և կիբեռհարձակումներից: DIY սարքերի մեծ մասը ոչ պրոֆեսիոնալ են և անհնար է ստանալ կայուն և ապահով համակարգ ինքնուրույն տեղադրման միջոցով,դրանցից են՝Aqara,Tuya,Sonoff և այլն:Դրանք կախված են ինտերնետից կամ արտաքին սերվերներից,սարքերի թարմացումները կարող են կոտրել ինտեգրացիան և որոշ սարքեր չեն ստանում կանոնավոր firmware թարմացումներ

• Ժամանակատար աշխատանք

Յուրաքանչյուր սարքի ուսումնասիրությունը, ընտրությունը և տեղադրումը կպահանջի երկար ժամանակ,իսկ կազմակերպություններին դիմելու պարագայում այդ ամենը նրանք կանեն ձեր փոխարեն։

• Ֆինանսական կորուստ

Սխալ սարքավորումներ և համակարգ ընտրելու դեպքում, կկորցնեք մեծ գումաներ ,իսկ կազմակերպություններին դիմելու պարագայում նրանք ցանկացած պահի պատրաստ են լուծել առաջացած խնդիրները և տալիս են երաշխիքներ։